Një aksident i rëndë ka ndodhur pasditen e sotme, rreth orës 14:15, në aksin rrugor Fier–Vlorë, në vendin e quajtur “Kripa”.
Një automjet tip “Dacia”, që drejtohej nga një shtetase italiane, A. T., 28 vjeçe, është përplasur me një kamionçinë që kishte në drejtim shtetasin F. H., 62 vjeç. Nga goditja e fortë, kamionçina ka devijuar nga rruga dhe është përplasur me barrierat anësore.
Si pasojë e aksidentit, drejtuesi i kamionçinës ka humbur jetën në vend, ndërsa pasagjeri që udhëtonte me të, shtetasi A. M., ka mbetur i plagosur rëndë dhe ndodhet nën kujdesin e mjekëve në spital.
