Nga 1 shtatori 2025, produkti i njohur për manikyrin xhel që përmban TPO nuk do të mund të shitet më në Bashkimin Europian dhe Zvicër. Inspektorati shëndetësor ka vendosur që të gjitha produktet që përmbajnë TPO, përfshirë ato në sallonet profesionale të thonjve, nuk mund të përdoren më.
Ky ndalim vjen pas klasifikimit të TPO-së si substancë CMR kategori 1B, toksike për riprodhim, sipas rregullores evropiane CLP (Klasifikimi, Etiketimi dhe Paketimi). Sipas këtij klasifikimi, çdo kimikat me rrezik të lartë nuk mund të përdoret, pavarësisht qëndrueshmërisë ose efektit të dëshiruar estetik.
Drejtoria e Përgjithshme e Konkurrencës, Konsumatorëve dhe Sanksioneve për Mashtrime (DGCCRF) ka shpallur ndalim të plotë të prodhimit, shitjes dhe përdorimit të TPO-së. Edhe stoqet e mbajtura tashmë në sallone duhet të hidhen menjëherë.
TPO, i njohur për tharjen e shpejtë, shkëlqimin e lartë dhe qëndrueshmërinë e manikyrëve xhel, tani rezulton të ketë efekte serioze shëndetësore. Rregullorja evropiane “Omnibus VII”, e publikuar në maj 2025, ka vendosur masa të rrepta ndaj substancave kancerogjene, mutagjene dhe toksike në kozmetikë.
Nga shtatori, përdorimi i manikyrit xhel që përmban TPO do të jetë i ndaluar plotësisht, duke përfshirë edhe profesionistët në sallonet e thonjve.
