Gjatë ditës së sotme janë raportuar 10 vatra zjarri, nga të cilat 6 janë shuar dhe 4 të tjera vazhdojnë të jenë aktive.
Në Pishë-Poro të Vlorës, një zjarr i rënë në një terren ranor në fshatin Delisuf është përhapur gjerësisht drejt fshatit Pishë-Poro, kryesisht për shkak të erës dhe karakteristikave të terrenit.
Vatrat e tjera aktive ndodhen në Parkun Natyror Gërmenj, njësia administrative Leskovik të bashkisë Kolonjë; në fshatin Pezë Helmës, njësia administrative Pezë, bashkia Tiranë; dhe në fshatin Bogovë, njësia administrative Bogovë, bashkia Skrapar.
