Tre persona, babai dhe dy djemtë e tij, janë arrestuar nga policia pasi dyshohet se kanë dhunuar dhëndrin e tyre, duke i shkaktuar lëndime në kokë dhe trup.
Ngjarja ndodhi në fshatin Flakë, të Malisë së Madhe.
Në pranga përfunduan Xheladin Çokaj, 64 vjeç, dhe dy djemtë e tij, Arnit Çokaj, 30 vjeç, dhe Sefred Çokaj, 33 vjeç, banues në fshatin Koplik i Sipërm. Ata dyshohen se për motive të dobëta kanë ushtruar dhunë fizike dhe psikologjike ndaj dhëndrit, shtetasit A. U., 41 vjeç.
