Policia ka arrestuar Alfons Lekgegaj, 37 vjeç, banues në Hamallaj, Durrës, dhe Armen Sabliqi, 18 vjeç, banues në Borakë, Shijak, për plagosjen që ndodhi ditën e djeshme në Hamallaj. Ngjarja ka ndodhur pas një konflikti për parkimin e një automjeti, ku një 28-vjeçar mbeti i plagosur me armë zjarri.
Gjithashtu, për ngjarjen janë shpallur në kërkim Altin Lekgegaj, 44 vjeç, dhe Serxho Lekgegaj, 21 vjeç, të dy banues në Hamallaj, Durrës.
Nga hetimet e para rezulton se konflikti ka nisur fillimisht me sende të forta dhe më pas me armë zjarri që i kishin pa leje, duke tentuar të dëmtonin 28-vjeçarin Liridon Rata, banues në Kolesjan, Kukës.
I plagosuri ndodhet në Spitalin e Traumës në Tiranë, jashtë rrezikut për jetën. Në vendngjarje u gjetën bishta druri të përdorura në konflikt, ndërsa në kontrollin e lokalit të Armen Sabliqit, policia sekuestruar dy thika që ai i mbante pa leje.
LEXO EDHE:
EMRAT/ Kërcet arma në ‘Valamar’, i riu qëllohet pas sherrit për parkimin (VIDEO)
