Dy vëllezër janë arrestuar nga policia e Lushnjës, pasi u kapën në tentativë për të vjedhur në ambientet e një firme ndërtimi.
Në pranga kanë rënë Gramoz Canka, 54 vjeç, dhe Julian Canka, 40 vjeç, të dy banues në Lushnjë. Ata u kapën duke tentuar të vidhnin karburant dhe pajisje në lagjen “18 Tetori”.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
“Shërbimet e Patrullës së Përgjithshme, mbrëmjen e djeshme, gjatë patrullimit në territor, në lagjen “18 Tetori”, kanë konstatuar 2 shtetas që po tentonin të vidhnin karburant dhe pajisje, në ambientet e një firme ndërtimi.”, njofton policia.
