Takimi dypalësh mes presidentit amerikan Donald Trump dhe presidentit ukrainas Volodymyr Zelensky në Shtëpinë e Bardhë ka përfunduar.
Diskutimet ishin të fokusuara tek garancitë e sigurisë për Ukrainën, kthimi i qytetarëve dhe ushtarëve të mbajtur në burgje, si dhe përpjekjet për një marrëveshje paqeje afatgjatë.
Pas këtij takimi, të dy liderët iu bashkuan udhëheqësve kryesorë të Bashkimit Evropian, përfshirë Britaninë, Gjermaninë, Francën, Italinë dhe Finlandën, si dhe shefit të NATO-s.
Takimi i zgjeruar synon të diskutojë mënyrat për të siguruar stabilitetin dhe sigurinë në Ukrainë, duke përfshirë mundësitë e shkëmbimeve territoriale, vijat e betejës dhe negociatat për pozicionet e sigurisë.
Takimi nisi me një foto familjare mes pjesëmarrësve dhe vijon me diskutime intensive për gjetjen e një zgjidhjeje paqësore, ndërsa Shtëpia e Bardhë theksoi rëndësinë e bashkëpunimit të SHBA-së me Evropën për të mbrojtur Ukrainën dhe për të shmangur përshkallëzimin e konfliktit.
