Një aksident i rëndë ka ndodhur të hënën, rreth orës 13:00, në autostradën Egnatia, pranë Komotinisë, afër pikës së pagesës së Iasmos në Greqi, ku tre shtetas shqiptarë kanë humbur jetën.
Ngjarja ndodhi pasi një kamion u përplas me dy automjete, të cilat kishin ulur shpejtësinë për shkak të radhës së krijuar pranë stacionit të taksave. Përplasja shkaktoi një zjarr të madh, që përfshiu edhe tokë bujqësore dhe automjetet.
Tre nga pasagjerët e automjetit të parë vdiqën menjëherë në flakë, ndërsa i katërti, gjithashtu nga ky automjet, u dërgua në spital në gjendje kritike. Shoferi i kamionit u plagos rëndë, ndërsa automjeti i tretë mbante katër persona të tjerë, që morën vetëm lëndime të lehta.
View this post on Instagram
