Presidenti ukrainas Volodymyr Zelensky do të zhvillojë një takim virtual me presidentin amerikan Donald Trump dhe udhëheqësit kryesorë evropianë ditën e mërkurë, vetëm dy ditë para negociatave ballë për ballë mes Trump dhe presidentit rus Vladimir Putin që do të zhvillohen në Alaska.
Ky takim pritet të fokusohet te situata e tensionuar ndërkombëtare dhe lufta në Ukrainë, duke synuar koordinimin e mëtejshëm politik dhe diplomatike midis palëve perëndimore dhe Ukrainës.
Zyra e Zelenskyt konfirmoi bisedimet përmes një komunikate për CBS News, partneri amerikan i BBC-së, duke theksuar rëndësinë e bashkëpunimit ndërkombëtar në këto momente të vështira.
Takimi mes Trump dhe Putin, që do të zhvillohet më 15 gusht në Anchorage, Alaska, është konsideruar si një përpjekje për të negociuar një zgjidhje paqësore dhe për të ulur tensionet që kanë shkaktuar konflikte dhe pasoja humanitare në rajon.
