Zjarri në Poliçan, i cili vijon prej disa ditësh ka marrë pamjet masive, siç shihet edhe në videon e mëposhtme. Terreni i vështirë e bën të pamundur ndërhyrjen me mjete zjarrfikëse, teksa shpresa e vetme për të parandaluar shkrumbimin e fshatrave mbetet ndërhyrja nga ajri.
Pamjet janë publikuar nga deputeti i PS-së, Erion Braçe, shkruan se zjarri ka dalë nga qyteti e po ngjitet në Kapinovë, po i afrohet Mbrakullës dhe rrezikohet i gjithë ky fshat, më i madhi i bashkisë, të digjet.
Ai thotë se rrezikohen të digjen fshatrat me radhë, teksa u bën thirrje autoriteteve përkatëse të ndërhyjnë nga ajri për shuarjen e flakëve.
“ALARMI I KUQ NGA ZJARRI; KJO ËSHTË GJENDJA E ZJARRIT TANI NË POLIÇAN!
Zjarri ka dalë nga qyteti e po ngjitet në Kapinovë, po i afrohet MBRAKULLËS dhe rrezikon i gjithë fshati – më i madhi i bashkisë, TË DIGJET! I pamundur të shuhet nga toka me zjarrfikëse; Është lart në mal, nuk ka rrugë; e zbret era e fortë deri poshtë duke rrezikuar të djegë fshatrat me radhë!
NUK KA NDODHUR KURRË KËSHTU; ZJARRI MË I MADH RENË NDONJËHERË NË KËTO ANË! SHPËTOJENI POLIÇANIN NGA AJRI!” – shkruan Braçe.
