Klubi i Pogradecit ka bërë një afrim të rëndësishëm, duke prezantuar sulmuesin nigerian Imoh Ezekiel, i cili ka një CV shumë të pasur ndërkombëtare.
31-vjeçari Ezekiel ka një karrierë të gjatë dhe të suksesshme, me përvoja në disa nga ligat më të forta të botës.
Gjatë karrierës, ai ka fituar 6 trofe dhe ka zhvilluar 108 ndeshje në elitën e futbollit belg me Standard Liege dhe Anderlecht, ku ka shënuar 30 gola.
Gjithashtu, Ezekiel ka luajtur në La Liga me Las Palmas, ku ka regjistruar 10 paraqitje, dhe ka pasur eksperiencë në Turqi me Koniaspor dhe në Katar me Al-Arabi, ku u transferua për 8 milionë euro një shifër që tregon vlerësimin e tij të lartë në atë kohë.
Së fundmi, sulmuesi ka qenë pjesë e Superligës rumune me UTA Arad dhe ka luajtur edhe në Nepal me Laliptur Siti.
Prej janarit të këtij viti, Ezekiel ishte pa ekip, dhe tani pritet të bashkohet me Pogradecin, duke sjellë në skuadër përvojën dhe kualitetin e tij.
