Rrugëtimi i Shkëndijës së Tetovës në Champions League ka marrë trajtën e një “endërre”, ku ekipi i Jeton Beqirit do përpiqet ta vazhdojë sa më gjatë të jetë e mundur.
Në prag të përballje është prononcuar “timonieri” i klubit nga Maqedonia e Veriut. Ai përmend ndër të tjera se e ka studiuar deri në detajë rivalin, madje ka përmendur edhe pikat e forta të Qarabag.
Sfida e parë mes skuadrave luhet nesër në orën 20:00.
Konferenca e trajnerit:
“Normalisht çdo skuadër në Kupat e Europës ka cilësitë e saj, pavarësisht nëse është Qarabag apo ndonjë ekip tjetër. E rëndësishme që ne te jemi në nivelin maksimal si skuadër dhe pastaj duke bërë analizat gjatë javës, sikurse duke studiuar pikat e forta të tyre që ti neutralizojmë dhe të mundohemi nga rastet e krijuara ti shfrytëzojmë. Përgjatë 90 minutave në futboll mund të ndodh gjithçka.
Ka situata ku do të jemi shumë agresiv në fushë, apo ku duhet të mbrohemi mirë. Më e rëndësishme është të shënojmë, qoftë në Shkup apo në Baku. Nuk dua të bëjë krahasim mes Steauas dhe Qarabag, sepse bëhet fjalë për tipe të ndryshme skuadrash. Fuqia e ekipit azer është trajneri i tyre dhe disa futbollistë që kanë shumë vite në ekip. Ata janë një grup shumë serioz dhe kompakt, kjo falë eksperincës dhe qëndrueshmëri ndër vite.
Patjetër ata janë favoritët, por fusha do japi verdiktin final. Ne do kërkojmë të jemi më këmbë në tokë dhe shumë të uritur. E rëndësishme të mendojmë vetëm për kundërshtarin e nesërm. E dimë shumë mirë kë ekip kemi përballë, bëhet fjalë për 11 herë kampionët e Azerbajxhanit në 12 vitet e fundit, të drejtuar nga një trajner për 17 vite radhazi.
Kjo s’do të thotë se nuk do kemi shanset tona. Pres maksimumin nga ekipi jonë. Nëse e hedh vështrimin mbrapa, nuk jam i kënaqur me ndeshjen e parë që zhvilluam në Shkup ndaj Steauas. Për ne, çdo rezultat pozitiv është shumë i rëndësishëm”, tha Beqiri.
