“Telenovela” Asllani vijon të jetë një nga lajmet kryesore në mediat sportive italiane.
Interi ka vendosur të largojë përfundimisht yllin e kombëtares shqiptare Kristjan Asllani, por ky i fundit ka vendosur si kusht që të shitet vetëm te skuadrat italiane.
Pasi refuzoi Betisin, marrdhënia mes Interit dhe Allanit u duk sikur u ngri në një moment, por tashmë ka sinjale pozitive, pasi skuadra e Parmës mund të jetë e ardhmja e yllit kuqezi.
Mediat italiane raportojnë se Asllani po i ofrohet Parmës si shkëmbim plus disa miliona euro, për të marrë mbrojtësin Leoni.
Bëhet e ditur se Asllani nuk do të ishte kundër një transferimi të tillë, i ndërgjegjshëm se te një klub si Parma do të kishte rol protagonisti.
Duke parë se askush tjetër deri tani nuk ka bërë ofertë për mesfushorin, kjo duket hipoteza më e mundshme, që do të kënaqte të gjitha palët e përfshira.
