Në kulmin e sezonit turistik dhe me temperatura përvëluese, në zonën e Borshit, mungon energjia elektrike.
Pushuesit raportojnë se dritat kanë ikur që mbrëmë në orën 22:00, teksa kanë ardhur herë pas here me shkëputje.
Autoritetet bëjnë me dije se shkak është bërë rënia e përforcuesit dhe ngarkesa në Qeparo, por nuk kanë gjetur dot një zgjidhje edhe pas kaq shumë orësh.
Një qytet ku ka votuar shumica për Partinë Socialiste të Edi Ramës duket se nuk e meriton një zgjidhje të shpejtë, por i lë të “piqen në hell” në mes të këtyre temeperaturave përvëluese, duke shkaktuar edhe shumë humbje për bizneset e duke ngjallur pakënaqësi tek turistët.
Pasi i dhanë votën Ramës, Borshi trajtohet si një zonë e dorës së dytë a të tretë, për të cilën askush nuk interesohet.
