Ajola Xoxa, bashkëshortja e kryetarit të Bashkisë së Tiranës, Erion Veliaj, është paraqitur paraditen e sotme në Prokurorinë e Posaçme (SPAK), në kuadër të masës së sigurisë “detyrim paraqitje”.
Ajo u filmua teksa largohej nga ambientet e institucionit, pa dhënë asnjë prononcim për mediat.
Pak ditë më parë, Xoxa është marrë zyrtarisht e pandehur së bashku me bashkëshortin e saj, Erion Veliaj, ndaj të cilit rëndojnë disa akuza të rënda si korrupsion, pastrim parash, fshehje pasurie dhe futje të sendeve të paligjshme.
SPAK dyshon se çifti Veliaj-Xoxa është i përfshirë në një skemë të gjerë dhe të strukturuar të pastrimit të parave. Nga ana e tij, Veliaj i ka hedhur poshtë të gjitha akuzat, duke i quajtur politike dhe të pabazuara.
