Një aksident ka ndodhur paraditen e së martës në aksin rrugor Fier – Roskovec, pranë zonës së Zharrëzës.
Dy automjete janë përplasur me njëra-tjetrën dhe për pasojë kanë përfunduar në kanalin anës rrugës.
Sipas informacioneve paraprake, dy persona janë plagosur dhe janë transportuar drejt spitalit të Fierit për ndihmë mjekësore.
Në vendngjarje ndodhen forcat e policisë rrugore, të cilat po punojnë për zbardhjen e shkaqeve të aksidentit.
