Mbrëmjen e djeshme (28 korrik) në Korçë, një konflikt mes dy personave u agravua në dhunë fizike, ku një prej tyre mbeti i plagosur rëndë.
Ngjarja ndodhi në një nga bulevardet kryesore të qytetit, ku autori i dyshuar goditi me grushte në fytyrë viktimën dhe më pas u largua nga vendi i ngjarjes.
Autori i dyshuar u arrestua brenda pak minutash pas konfliktit. I plagosuri ka pësuar dëmtime në fytyrë dhe për shkak të gjendjes së tij u dërgua drejt Spitalit të Tiranës për trajtim më të specializuar.
Policia po vijon hetimet për zbardhjen e plotë të ngjarjes dhe për të përcaktuar rrethanat që çuan në konfliktin e dhunshëm.
