Diant Ramaj është zyrtarisht lojtar i Heidenheim. Klubi i Bundesligës e ka prezantuar sot, pasi kaloi me sukses testet mjekësore.
Ramaj është huazuar për një sezon nga Dortmundi. Heidenheim ruan të drejtën e blerjes së kartonit për portierin shqiptar.
23-vjeçari ka deklaruar më parë se nuk pranon stolin te Dortmundi. Kështu pritet të ketë më tepër hapësira, pasi një sezoni të suksesshëm në huazim me Kopenhagenin.
Ramaj ka treguar më parë se është kontaktuar për Kombëtaren e Shqipërisë dhe po ashtu Kosovën. Megjithatë, qëndron në pritje të ftesës së Gjermanisë pasi më parë ka luajtur me moshat.
