Pas Borshit, një tjetër vatër zjarri e përmasave të konsiderueshme ka dalë jashtë kontrollit në jug të vendit. Bëhet fjalë për fshatin Piqeras.
Flakët që po përhapen me shpejtësi kanë shkaktuar shqetësim për banorët dhe bizneset që operojnë në këtë zonë turistike.
Sipas raportimeve nga terreni, zjarri ndodhet vetëm 150 metra larg banesave dhe objekteve tregtare.
Zjarri është përhapur në një zonë kodrinore me bimësi të dendur dhe të thatë, duke e bërë ndërhyrjen nga toka shumë të vështirë.
Era e fortë po e përkeqëson situatën, duke shtyrë flakët drejt zonave të banuara.
Forcat zjarrfikëse dhe strukturat lokale janë në terren, por mungesa e infrastrukturës dhe vështirësia e terrenit po pengojnë ndërhyrjen efektive.
Banorët apelojnë për ndërhyrje ajrore dhe mbështetje të menjëhershme për të shmangur përshkallëzimin e situatës.
