Një 24-vjeçar maroken është arrestuar nga Policia në Korçë, pasi dyshohet se në bashkëpunim me persona të tjerë ndihmonte emigrantët të hynin ilegalisht në Shqipëri kundrejt pagesës.
Ai u kap në flagrancë në fshatin Qytezë të Devollit, duke shoqëruar dy bashkëatdhetarë të tij në tentativë për të kaluar kufirin.
24-vjeçari, së bashku me dy persona të tjerë, organizonin kalimin e emigrantëve nga vendet e treta përmes kufirit tokësor me Greqinë dhe më pas largimin drejt vendeve të Bashkimit Europian përmes Malit të Zi.
