Një autobus me targa bullgare ka mbetur i bllokuar prej më shumë se 40 minutash në një nga rrugët e ngushta të kryeqytetit. Ngjarja ka ndodhur në rrugën Adem Jashari, pranë zonës së ish-Gardës së Republikës.
Siç duket edhe në foto, autobusi plot me turistë është bllokuar pasi nuk ka ku të kthehet për shkak të rrugës së ngushtë dhe makinave të rezidentëve të cilët, pasi Rama dhe Veliaj betonizuan gjithë Tiranën, nuk kanë më ku të parkojnë.
Udhëtimi i turistëve bullgarë në Shqipëri u kthye në makth pasi u përballën menjëherë me mungesë infrastrukture. Rrugë të ngushta, betonizim, mungesë vendesh parkimi dhe tela korenti si rrjeta gjigande merimangash të cilat shihen në çdo rrugë të kryeqyteti.
Ndërkohë, kryeministri Rama vijon me iluzionet se Shqipëria do të futet në BE para vitit 2030 dhe tregon me krenari numrin e turistëve që na vizitojnë duke premtuar turizëm elitar.
