Një trup i pajetë është zbuluar sot në një zonë periferike të Elbasanit.
Sipas burimeve paraprake, territori përreth ku është gjetur viktima është i djegur.
Deri më tani, shkaqet e ngjarjes mbeten të paqarta dhe nuk dihet nëse zjarri ka ndonjë lidhje me vdekjen e personit.
Policia ka mbërritur menjëherë në vendngjarje dhe ka nisur hetimet për të zbardhur rrethanat e plota të incidentit. Ekspertët e kriminalistikës po punojnë për identifikimin e viktimës dhe përcaktimin e shkakut të vdekjes.
Autoritetet nuk kanë dhënë ende një version zyrtar, ndërsa më shumë detaje priten në orët në vijim. Ndërkohë, zona është rrethuar dhe është nën kontroll të forcave të rendit.
