Klubi i Kukësit ka bërë prezantimin e parë sa i përket afrimeve të këtij sezoni, pasi ka nisur punën nën drejtimin e trajnerit Sedat Pajaziti.
Verilindorëve u është bashkuar sulmuesi i ri 20-vjeçar Kristi Bespalla, i cili në sezonet e fundit ka qenë pjesë e Erzenit, duke luajtur me shijakasit si në Superiore, ashtu edhe në Kategorinë e Parë.
Futbollisti ka nënshkruar për tre vite me Kukësin dhe pritet të ketë një rol qendror në projektin e ri që kanë nisur verilindorët me të rinj premtues.
NJOFTIMI I KUKËSIT
Mirë se vjen Kristi Bespalla!
KF Kukësi ka kënaqësinë të prezantojë afrimin më të ri në merkato! Kristi Bespalla është zyrtarisht pjesë e skuadrës sonë për 3 sezonet e ardhshme.
Bespalla konsiderohet si një nga talentet më premtues të kampionatit tonë dhe do të jetë një nga pikat e forta të ekipit në sezonet e ardhshme.
Sulmuesi 20-vjeçar vjen për të dhënë kontributin e tij në repartin ofensiv dhe për të ndihmuar ekipin drejt objektivave të sezonit.
Kukësi i uron mirëseardhje Bespallës dhe suksese me fanellën e skuadrës sonë!
