Para disa ditësh, IKMT ndërmori një aksion në Theth, ku u prishën me dhjetëra ndërtime pa leje, përfshirë këtu edhe disa njësi akomodimi për turizmin.
Por duket se këto ndërtime pa leje, janë reklamuar nga vetë zyrtarët më të lartë të qeverisë, të cilët i kanë konsideruar këto ndërtime si një arritje e madhe për Thethin.
Vetëm pak kohë më parë, ministrja e Turizmit dhe Mjedisit, Mirela Kumbaro deklaronte në Kuvend se Thethi numëronte rreth 2000 shtretër në bujtina.
Por pas prishjes së pjesës më të madhe të tyre nga IKMT pas aksionit të nxitur nga Kryeministri, situata paraqitet krejt ndryshe.
Në këtë sezon turistik, në zonë kanë mbetur më pak se 200 shtretër.
Ndërkohë në media kanë qarkulluar akuza se Thethi prit që t’i jepet investitorëve strategjikë, të cilët me bekimin e qeverisë priten që të kryejnë betonizimin e një nga zonat më të rëndësishme të turizmit në Shqipëri.
