Policia ka shoqëruar babin e 17-vjeçares që qëlloi veten me armë zjarri në Vlorë,
Babai i vajzës Saimir H., ka kundërshtuar shoqërimin e tij me forcë, pasi kërkonte të shoqëronte vajzën e tij në Tiranë, pasi adoleshentja po transportohet drejt Traumës nga spitali i Vlorës.
“Po më vdes çupa ore”, ka thënë ai, sipas raportimeve në media.
Ndërkohë 17-vjeçarja është në gjendje të rëndë, pasi ka një plumb në kokë, afër syrit.
Mësohet se e reja është nga një fshat i Vlorës dhe ka qenë tek gjyshërit në lagjen ‘Kushtrimi’, ku dhe është vetëplagosur me armë tip pistoletë.
Sipas bluzave të bardha 17-vjeçaraja ka qenë e vetëdijshme kur ka mbërritur në ambientet e spitalit të Vlorës, por në momentin e parë ajo ka humbur ndjenjat dhe ka rënë në koma.
Sipas mjekëve ka dy dëmtime në kokë një në pjesën e syrit afër temthit dhe një në pjesën sipër kokës ku dhe plumbi ka dalë. 17-vjeçarja është e intubuar, ndërsa qëndrimi i saj ende në jetë është për shkak se gjaku ka dalë jashtë kokës dhe nuk ka hemorragji.
Detaje/ Qëlloi veten me pistoletë, si paraqitet gjendja e 17-vjeçares në Vlorë
