Klubi i Bylisit ka bërë një lëvizje të rëndësishme në merkato, teksa ka siguruar një përforcim cilësor në mesfushë. Ballshiotët kanë bërë të ditur se pjesë e tyre do të jetë mesfushori brazilian Indio Oliveira.
Futbollisti 31-vjeçar është që nga viti 2020 pjesë e futbollit tonë, teksa ka veshur në këto vite fanellën e Flamurtarit, Orikut e Besës, duke qenë një nga emrat më të spikatur në Kategorinë e Parë në edicionet e fundit.
Tani për të ka ardhur momenti të tregojë veten edhe në Superiore me fanellën e klubit ballshiot.
Njoftimi i Bylisit:
FC Bylis ka kënaqësinë të njoftojë afrimin e parë të merkatos, mesfushorin e avancuar, me eksperiencë, Odaildo Souza de Oliveira (Indio Oliveira).
Braziliani në vendin tonë ka luajtur si titullarë me Flamurtarin dhe Besën në sezonin e shkuar, teksa nga nesër i bashkohet grupit.
I urojmë mirëseardhjen dhe suksese me fanellën e Bylisit!
