Është zbardhur identiteti i shoferit të Audi Q8 që u përplas me disa makina gjatë ndjekjes nga policia në zonën e ish-Bllokut.
Në drejtimin e mjetit ishte Joni Sadikaj, ndërsa pasagjer ishte Skerdi Sina, i cili u arrestua dje nga policia. Gjatë ndjekjes, dy të rinjtë kanë përplasur me makinë tre automjete të tjerë, teksa më pas kanë hedhur armën e zjarrit pistoletë në rrugë dhe janë arratisur.
Sinaj rezulton i përfshirë në ngjarjen e ndodhur në “Astir” më 9 Janar, ku së bashku me 4 shokë të tjerë dyshohet se mbajtën të mbyllur në një apartament me qira ditor në Astir vajzën 21-vjeçare Sajma Q.
Veç Skerdi Sinës, në atë kohë u shpallën në kërkim edhe shtetasit: Anduen Alia, 36 vjeç dhe Ogert Alia, 31 vjeç, Joni Sadikaj, 26 vjeç, dhe Arnold Jaho, 40 vjeç. Mbi ta rënduan akuzat për veprat penale “Heqja e paligjshme e lirisë”, kryer në bashkëpunim, “Mbajtja pa leje dhe prodhimi i armëve, armëve shpërthyese dhe e municionit” dhe “Falsifikimi i dokumenteve”.
Shkaktoi kaos në Tiranë/ Sina kërkohej që nga Janari, bashkë me shokët mbajtën të mbyllur një vajzë
Mbyllen në apartament 21-vjeçaren Sajma Qordja, arrestohet një nga të dyshuarit (Emri)
