Katër të mitur janë përleshur me njëri-tjetrin në Prishtinë.
Policia e Kosovës bën me dije se njëri prej të miturve është plagosur me thikë gjatë sherrit.
“Raportohet se pas një mosmarrëveshje katër të dyshuar, të mitur meshkuj kosovarë janë rrahur mes veti, ku njëri nga viktimat ka pësuar lëndime të rënda trupore nga therja me thikë. Të lënduarit kanë pranuar tretman mjekësorë”, thuhet në raport.
Më tej bëhet me dije se një nga të miturit është arrestuar ndërsa dy të tjerë janë lënë të lirë.
