Ish-prokurori Arjan Ndoja ka dëshmuar ditën e sotme në seancën gjyqësore në GJKKO ndaj Plarent Dervishajt dhe Julian Meçës në lidhje me atentatin e regjistruar më 1 nëntor të vitit 2019 tek mbikalimi i Shkozetit, teksa në atë ngjarje mbeti i vrarë Andi Maloku, shoferi i ish-prokurorit Arjan Ndoji, teksa ky i fundit bashkë me “Rrumin” mbetën të plagosur rëndë.
Gjatë dëshmisë së tij, Arjan Ndoja është përplasur me të pandehurin Plaurent Dervishaj, pasi ish-prokurori tha se nuk kishte dijeni se kush mund të qëndronte pas atenatin ndaj tij dhe se përplasje në atë kohë kishte vetëm me kryeministrin Edi Rama dhe zv.kryeministrin Erion Braçe.
Plaurent Dervishaj e kërcënoi drejtpërdrejt Arjan Ndojan, duke i thënë se nuk ia fal nëse merr se qëndron ai pas atentatin ndaj tij, edhe pse ka dëgjuar thasheme, pasi duhet theksuar fakti se edhe Dervishaj ka rënë pre e atentatit më parë.
Dervishaj: Ti the se nuk ke pasur probleme me mua dhe se problemi vetëm ishte konflikti me kryeministrin e zëvendëskryeministrin. Atentati jot ka qenë personal apo politik?
Ndoja: Këtë nuk e di unë, këtë duhet ta thotë hetimi.
Dervishaj: Jo, po mbase urdhrin për atentatin, mbase e kam marr nga zëvendëskryeministri.
Ndoja: Unë s’kam asnjë problem, nëse do ta dija, do ta thosha. Unë fjalë kam dëgjuar shumë, po kur nuk bindem, nuk bindem.
Dervishaj: Unë po të shoh në sy dhe nëse do dija që ti ke gisht në atentatin që më ka ndodhur mua, unë s’ta fal….
Ndoja: Cili atentat, jemi për atentatin tim,
Dervishaj: E di ti shumë mirë atentatin ndaj meje. Edhe unë dëgjoja shumë fjalë, po të them nëse do dija që ke lidhje s’ta fal, jo vetëm ty apo kushdo të jetë.
