Vijon rinumërimi i votave për qarkun e Tiranës, i cili nisi një ditë më parë. Deri më tani janë hapur 85 kuti votimi nga 1,282 në total që përfshin ky qark, konkretisht nga bashkia e Kamzës.
Nga rezultati i rinumërimit të këtyre kutive janë konstatuar vetëm gabime të vogla, të cilat nuk sjellin asnjë ndryshim në shpërndarjen e mandateve, por as në renditjen e kandidatëve në listat e hapura. Megjithatë, të dhënat tregojnë se disa parti kanë përfituar vota shtesë.
Partia Socialiste ka rezultuar me 42 vota më shumë, PD-ASHM ka fituar 19 vota, Partia Socialdemokrate 7 vota, ndërsa Lëvizja Bashkë ka përfituar vetëm 1 votë.
Të tria partitë që kanë pasur numërues në kuti PS, PD dhe PSD kanë marrë vota shtesë, në disa raste në dëm të partive të vogla si Koalicioni i Lulëzim Bashës (-5) dhe partia “Mundësia” e Shehajt (-3), apo mes votave të shpallura më herët si të pavlefshme.
Procesi në kryeqytet pritet të zgjasë rreth 10 ditë. Pas përfundimit të kësaj faze, do të fillojë rinumërimi në qarkun e Fierit me 587 kuti, e më pas në Durrës, ku do të shqyrtohen 360 kuti votimi, përfshirë 85 kuti që vijnë nga diaspora.
Lexo edhe:
PS dhe PD me vota “të fryra”, si është rezultati i rinumërimit në Tiranë deri më tani
