Policia ka vënë në pranga një 41-vjeçar nga Tirana, autor i një sërë vjedhjesh të kryera në territorin e qarkut Durrës.
Amarild Muka dyshohet se është autor i disa vjedhjeve në banesa, në automjete, monopatina elektrike, portofola e raste të tjera të ndryshme.
41-vjeçari ka qenë i shpallur në kërkim më parë nga policia e Tiranës për mashtrim dhe i dyshuar për disa vjedhje të tjera të kryera më parë.
“Shërbimet e Komisariatit të Policisë Durrës, në vijim të punës për zbardhjen e vjedhjeve të ndodhura më parë, identifikimin dhe kapjen e autorëve, si dhe kapjen e shtetasve të shpallur në kërkim për vjedhje, falë bashkëpunimit me qytetarët, kanë organizuar dhe finalizuar operacionin policor të koduar “Again”.
Në kuadër të operacionit u kap dhe u vu në pranga shtetasit Amarild Muka, 41 vjeç, banues në Tiranë.
Ky shtetas dyshohet se është autor i disa vjedhjeve të ndodhura në territorin e Drejtorisë Vendore të Policisë Durrës, vjedhje në banesa, në automjete, monopatina elektrike, portofola e raste të tjera të ndryshme.
Gjithashtu ky shtetas ishte i shpallur në kërkim nga DVP Tiranë, për veprën penale “Mashtrimi”, dhe i dyshuar si autor për disa vjedhje të ndodhura më parë.”- njofton policia.
Materialet procedurale u referuan në Prokurorinë pranë Gjykatës së Shkalles së Parë Durrës, për veprime të mëtejshme.
