Një ngjarje e rëndë ndodhi pasditen e sotme në Lido Adriano, në zonën e Ravenës në Itali, përpara Bar Cristallo.
Për arsye ende të paqarta, dyshohet xhelozi, një shqiptar dhe një maqedonas, u konfliktuan me njëri-tjetrin, Shqiptari ka goditur disa herë me thikë maqedonasin, shkruajnë mediat italiane.
Shqiptari, mbi të pesëdhjetat, iku me një motoçikletë, por duket se është një person tashmë i njohur për policinë që është në ndjekje të tij.
Personi i plagosur me thikë, një 23-vjeçar, u shpëtua nga disa persona, u intubua në vend dhe u transportua në spitalin Bufalini në Cesena, me një helikopter shpëtimi, me kod të ashpërsisë së lartë.
Karabinierët dhe policia ndodhen në vendngjarje dhe po hetojnë për të hedhur dritë mbi incidentin.
