Në Gjykatën e Lartë e Lartë Angleze “Royal Court of Justice” është duke u shqyrtuar kërkesë e një shqiptari me pasaportë britanike dhe katër shtetasve britanik për të apeluar vendimin e 27 Gushtit 2024 nga ku pranua kërkesa e Shqipërisë për ekstradimin e tyre.
Prej orës 11:30 të kësaj të enjteje avokatët e Edmond Haxhisë, Thomas Mithan, Harry Simpson, Harriet Bridgeman dhe Steven Hunt po zhvillojnë një betejë juridike për ti mbushur mendjen gjyqtarit në dhënien leje për të apeluar vendimin e ekstradimit. Ata akuzohen nga prokuroria Lezhë se u përfshinë në vrasjen e biznesmenit Ardian Nikulaj.
Avokatët mbrojtës në parashtrimet e tyre janë duke përdorur Konvetën Europiane të Drejtave të Njeriut si një kartë në favorin e tyre. Gjyqtari Mr. Justice Swift deri këto momente është pozicionuar jo i bindur me çfarë është duke sjellë mbrojtja e të pestë të kërkuarve të drejtësisë shqiptare.
Për momentin nuk është e qartë nëse gjyqëtari Mr. Justice Swift do të mund të japë një vendim gjatë seancës së sotëme. Drejtësia shqiptare e kërkon shqiptarin me pasaportë britanike Edmond Haxhia si njeriun, i cili mbërriti shkurtin e 2023 me sebepin e fejesës por në fakt vuri në veprim planin e vrasjes së Ardian Nikulajt.
Ndërsa për Thomas Mithan, Steven Hunt, Harry Simposon dhe Harriet Bridgeman, Prokuroria e Lezhës thotë se ka prova filmike dhe shkencore të pakundërshtueshme se ata u përfshinë në survejimin e viktimës.
Informacionet e tyre për lëvizjen e Ardian Nikulajt në ambientet e restorantit Coral ishin vendimtare në realizimin e ekzekutimit të tij makabër me 6 plumba të qitura nga arma tip TT e Ruben Saraivës, i rekrutuar në Angli për të ndërmarrë vrasjen.
Menjëherë pas krimit, Saraiva është filmuar mbrëmjen e 19 prillit duke u larguar nga pika kufitare e Kapshticës në drejtim të Greqisë. Nga shteti fqinj ai u largua për në Marok, nga ku u arrestua dhe u ekstradua në Shqipëri më 31 dhjetor 2023.
Edmond Haxhia bashkë me Thomas MITHAN, Steven HUNT, Harry SIMPSON dhe Harriet BRIDGEMAN do të arrestoheshin në Angli në maj 2023 pas urdhër arresteve ndërkombëtare lëshuar nga gjykata e Lezhës. Ndërsa vrasësi Ruben Saraiva u kap dhe u ekstradua nga Maroku në Shqipëri në Dhjetor 2023 dhe po përballet me procesin gjyqësor në gjykatën e Lezhës./ TCH
