Një zjarr ka përfshirë pasditen e sotme një banesë në fshatin Golem të Shkodrës.
Ngjarja është regjistruar rreth orës 14:50, ku dyshohet se për shkak të një shkëndije elektrike ka marrë flakë kati i dytë i banesës në pronësi të shtetasit N. R.
“Rreth orës 14:50, në fshatin Golem, dyshohet se për shkak të një shkëndije elektike, ka rënë zjarr në banesën e shtetasit N. R. Për pasojë është djegur kati i dytë i banesës.
Shërbimet e Policisë dhe të zjarrfikëses kanë shkuar menjëherë në vendin e ngjarjes dhe kanë shuar flakët.”- njofton policia.
Grupi hetimor po punon për zbardhjen e rrethanave të rastit.
