Në “Opinion” në News24 ishte i ftuar gazetari dhe analisti Ben Andoni i cili ka diskutuar për situatën politike në Kosovë.
Ai tha se aktualisht situata në vend mund të duket abstrakte. Andoni theksoi se presidenti i Kosovës mund të ketë më shumë atribute në vend krahasuar me kryeministrin e Shqipërisë.
“Nga ne që e shikojmë nga jashtë situata duket abstrakte. Për disa situata është absurde. Mua më vjen keq që Albulena Haxhiu po përdoret pasi është sfumuar politikisht dhe bëhet e pabesueshme. Presidenti i vendit në Kosovë ka disa atribute më shumë se kryeministri i Shqipërisë”, tha ai
Analisti Andoni shtoi më tej se të gjitha palët e opozitës në vend kanë vepruar gabim që në fillim. Sipas tij Kosova ndodhet në një proces shtetformimi, dhe se pas zgjedhjeve duhet të ishin më të kujdesshme. Gjatë fjalës së tij ai shtoi se Kosova është një ndër vendet më të prekuara në ballkan dhe gjendet përballë një kolapsi energjetik.
“Mund të them se Presidentja Osmani do ta ketë të vështirë pas mungesës së atributeve në vend edhe pse zhvilloi konsultime me liderët e opozitës. Të gjitha palët mendoj se kanë vepruar gabim që në fillim. Kosova aktualisht ndodhet në një proces shtetformimi, dhe pas zgjedhjeve palët duhet të ishin më të kujdesshme. Kosova është një ndër vendet më të prekuara në ballkan dhe gjendet përballë një kolapsi energjetik. Zgjedhjet në Kosovë ishin të rregullta, por në periudhën pas zgjedhore ata calojnë”, përfundoi Andoni
