Policia e Beratit ka arrestuar dy të rinjë, të cilët akuzohen për shitjen e lëndëve narkotike të kanabisit me doza në qytet.
Në kuadër të operacionit të koduar “Orders” janë vënë në pranga shtetasit Kliton Naçi, 21 vjeç dhe Njazi Abedini, 19 vjeç, të dy banues në Berat.
“Nga hetimet ka rezultuar se ata ishin të implikuar në veprimtarinë kriminale të shitjes së lëndës narkotike kanabis sativa, në doza, në Berat. Gjatë kontrollit fizik dhe në banesë, 21-vjeçarit iu gjetën 330 doza kanabisi. Më tej, 19-vjeçarit iu gjet me vete një sasi e kësaj lënde ndërsa në banesë, 2 mjete prerëse (thika).” – raporton Policia.
Gjithashtu, autoritetet policore kanë proceduar penalisht në gjendje të lirë edhe babain e 21-vjeçarit, shtetasin A. N., 44 vjeç, pasi nga kontrolli në banesën e tyre janë gjetur edhe disa fishekë që posedoheshin pa leje.
Raportohet se lënda narkotike, mjetet dhe municioni janë sekuestruan në cilësinë e provës materiale, bashkë me 7 celularë dhe 1 automjet.
Materialet procedurale i janë referuan Prokurorisë së Beratit për veprime të mëtejshme.
