Një ngjarje e rëndë është regjistruar mesditën e sotme në fshatin Sovjan të Korçës.
Referuar njoftimit zyrtar të Policisë së Shtetit, shtetasi me iniciale K. H., rreth 35 vjeç është gjetur nga familjarët e tij pa shenja jete në oborrin e shtëpisë.
Dyshimet e para tregojnë se i riu mund të jetë vetëvarur ndërsa vijojnë të mbeten të paqarta rrethanat e rastit.
“Rreth orës 12:20 në fshatin Sovjan, është gjetur nga familjarët e tij, pa shenja jete, në oborrin e banesës, shtetasi K. H., rreth 35 vjeç, i cili dyshohet se është vetëvarur. Grupi hetimor po punon për sqarimin e rrethanave të ngjarjes”, thuhet në njoftimin e policisë.
