Portugalia sërish në finalen e Ligës së Kombeve, pas asaj në vitin 2019, kur triumfoi ndaj Holandës.
Luzitanët mposhtën me përmbysje 1-2 Gjermaninë në Mynih në një sfidë tepër emocionuese, ku vendosi goli i Cristiano Ronaldos.
Pjesa e parë, nuk prodhoi gol, duke u mbyllur me shifrat e bardha, ndërkohë që në fragmentin e dytë të lojës, ishin “panzerat” që shënuan të parët me Wirtz.
Por ekipi i Martinez, u përgjigj mjaft mirë, duke shënuar 2 herë me Conseisaon dhe Cristiano Ronaldon, për të siguruar “biletën” për në finalen e madhe të Ligës së Kombeve, që do të zhvillohet po në Mynih.
