Policia e Tiranës ka gjetur armën atipike (pistoletë-stilolaps) e përdor në krimin e regjistruar më 1 Qershor në ambientet e picerisë “Fantazia” në rrugën “Ali Demi” në kryeqytet, ku u plagos kamarieri 15-vjeçar.
Blutë e kryeqytetit bëjnë me dije se arma atipike (pistoletë-stilolaps) është gjetur në rrugën “Riza Çuka” në zonën e Laprakës, ku siç duket e ka hedhur autori pas krimit.
“Në vijim të veprimeve hetimore të kryera me qëllimin dokumentimin e plotë të ngjarjes së ndodhur me datë 01.06.2025, shërbimet e Komisariatit të Policisë Nr. 1, në rrugën “Riza Çuka” Laprakë, kanë gjetur dhe sekuestruar armën atipike me të cilën shtetasi A. N, 21 vjeç, dyshohet se plagosi 15-vjeçarin.” – njofton Policia.
Arma atipike (pistoletë-stilolaps) u gjet vetëm disa orë pas arrestimit të autorit të dyshuar, shtetasi Aldo Neziri, 21 vjeç, teksa vijon të jetë ende në kërkim administratori 24-vjeçar i picerisë ku ndodhi ngjarja, Leonardo Mejdani.
Kujotjmë se ngjarja ndodhi më 1 qershor në ambientet e picerisë “Fantazia”, ku Aldo Neziri, motoristit i picerisëqëlloi me armë zjarri pistoletë-stilolaps kamerierin 15-vjeçar, gjatë një konflikti për motive të dobëta.
Në lidhje me ngjarjen janë arrestuar edhe Ferit Basha, Andi Hyka dhe Keivin Bala, punonjës të picerisë, pasi ata kanë pastruar vendin e ngjarjes dhe kanë fshehur pamjet filmike që mund të zbardhnin ngjarjen.
15-vjeçari kishte rreth 2 javë që ishte punësuar në piceri, pasi ishte piceri e kushëririt e tij dhe kishte nisur punë për ta ndihmuar. Ndërkohë, nuk rezulton të ketë qenë i siguruar apo brenda rregullave të ligji të punës për shkak të moshës.
