Nuk ka më dyshime, gjigantët belg të Anderlecht do të vazhdojë t’i besojë pankinën trajnerit shqiptar, Besnik Hasi.
Ish-mbrojtësi i Kombëtares shqiptare do të drejtojë këtë ekip, edhe për sezonin e ri. Lajmi është konfirmuar nga klubi nëpërmjet një njoftimi zyrtar.
Opsioni në kontratën e tij të përkohshme është hequr, duke e shndërruar marrëveshjen e Hasit në një kontratë të pacaktuar.
“Jam krenar dhe i lumtur për besimin që klubi më ka dhënë dhe mezi pres të vazhdoj punën time. Gjatë javëve të fundit kam mundur të përjetoj nga afër atë që funksionon mirë dhe ato aspekte që kërkojnë përmirësim në skuadrën e parë. Dua ta përdor këtë njohuri, së bashku me drejtuesit sportivë, për të ndërmarrë hapat e nevojshëm drejt sezonit të ardhshëm.” – tha Hasi.
Vlen të theksohet fakti se shqiptari firmosi me Anderlehtin para fillimit të “Play Off”-it, teksa e mbylli sezonin në vendin e katërt. Kësisoj skuadra e tij arriti të siguronte pjesmarrjen në kualifikueset e Europa League.
