Teksa afron ora për finalen e madhe të Champions League mes Interit dhe PSG-së, në Mynih po shtohen forcat e sigurisë.
Duke folur për Reuters, zëdhënësi i policisë së Mynihut, Thomas Schelshorn tha se 2,000 oficerë do të vendosen rreth qytetit.
Ata gjithashtu do të mbështeten nga policë që janë të gatshëm të ndërhyjnë në raste trazirash, përveç autoriteteve franceze dhe italiane të njohura me bazën lokale të tifozëve të çdo klubi.
“Ne marrim parasysh se si shkuan ndeshjet e fundit të ekipeve. Ne mendojmë për zgjidhje të ndryshme në situata të ndryshme, ka rëndësi të madhe sa njerëz presim dhe çfarë problemesh sigurie ka pasur në të kaluarën,” tha Schelshorn.
“Ne e dimë se organizatorët kanë shitur 18,000 bileta si për Italinë ashtu edhe për ekipin e Parisit. Megjithatë, ne presim një stadium të mbushur plot.
Ne jemi të përgatitur pasi mund të ketë tifozë të dhunshëm, huliganë”– tha ai. Sfida fillon në orën 21.00.
