Ajola Xoxa, bashkëshortja e kryebashkiakut të arrestuar të Tiranës, Erion Veliaj, ka paraqitur rekurs në Gjykatën e Lartë për masën ndaj saj,” detyrim paraqitje”.
Aktualisht, Ajola Xoxa ndodhet nën masën e sigurisë “detyrim paraqitje”, pasi më herët ishte vendosur ndaj saj “arrest në shtëpi”. Ajo është e përfshirë në hetimet që lidhen me abuzimet me fondet publike të Bashkisë së Tiranës, të cilat dyshohet se janë përdorur për përfitime personale dhe familjare.
Apartamentii sekuestruar ndodhet në katin e dytë të godinës ku ndodhet dhe apartamenti i Erion Veliajt dhe Ajola Xoxës në zonën e “Kodrës së Diellit” në kryeqytet, teksa rezulton i regjistruar në emër të kompanisë “AGI KONS” e biznesmenit Gentjan Sula, i cili po ashtu është nën hetim për këtë dosje, me masë sigurie “detyrim paraqitje”.
Çiftit Veliaj-Xoxa i është shtuar akuza për kryerjen e veprës penale “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.
SPAK “fundos” Veliajn, pas zgjedhjeve i shton një akuzë të re dhe i sekuestron një apartament
Nga hetimi i SPAK ka rezultuar se Erion Veliaj dhe Ajola Xoxa kanë krijuar një skemë përfitimi ryshfetesh për pasurim personal përmes një numri organizatash dhe kompanish të kontrolluara prej tyre apo të afërmve të tyre dhe kanë përfituar së paku 1.1 milionë euro në nëntë raste. Veliaj akuzohet se ka përfituar tre vila në një fshat turistik në Qerret ndërsa Xoxa akuzohet se ka shpenzuar rreth 800 mijë euro në blerje online, të cilat nuk i ka deklaruar në deklaratat vjetore.
