Një ngjarje e rëndë ka ndodhur në qytetin e Elbasanit, ku një 38-vjeçar ka hyrë pa leje në banesën e një të reje 18-vjeçare dhe ka tentuar ta marrë me forcë.
Sipas kallëzimit të vajzës, autori e ka goditur fizikisht para se të përpiqej ta largonte nga banesa.
Policia ka ndërhyrë menjëherë, duke arrestuar në flagrancë agresorin, i cili rezulton të jetë me precedentë penalë për vepra të mëparshme penale.
“Specialistët për Hetimin e Krimeve të Komisariatit të Policisë Gramsh arrestuan në flagrancë shtetasin E. K., 38 vjeç, banues në Gramsh.
Arrestimi i tij u bë pasi ka kallëzuar një 18 vjeçare, se 38-vjeçari i është futur pa dëshirë në banesë, e ka goditur me shpullë dhe ka tentuar ta marrë me forcë.
Nga verifikimet e kryera menjëherë pas kallëzimit, rezultoi se shtetasi E. K. është dhe me precedent penal në fushën e vjedhjes. Në drejtimin e Prokurorisë po punohet për dokumentimin me prova ligjore të rrethanave të këtij rasti.”- njofton policia.
