Policia greke ka zhvilluar një operacion të quajtur “Cerberus”, duke arrestuar 23 persona që realizonin trafik të qenieve njerëzore, ndërsa kanë sekuestruar 3,700 pasaporta të falsifikuara.
Janë identifikuar të paktën 4 laboratorë që prodhonin pasaporta të falsifikuara, nga fotot që tregojnë se ato ishin kryesisht shqiptare dhe greke.
Nga hetimi i deritanishëm, i cili është në vazhdim, janë sekuestruar 3,700 pasaporta dhe karta ID të falsifikuara nga vende të ndryshme dhe afërsisht 50,000 euro.
Oficerët e policisë gjetën çanta me pasaporta të falsifikuara, sirtarë plot me pulla dhe zarfa me para në apartamentet që kontrolluan.
Siç shihet në videon e publikuar nga ELAS, u arrit të arrestohej kreu i bandës, i cili kishte ngritur një laborator të madh në një apartament në zonën e banesave të punëtorëve në Peristeri.
Sipas informacioneve, rrjeti ishte i përfshirë në më shumë se 500 raste të trafikut të paligjshëm të emigrantëve, duke fituar të paktën 4 milionë euro.
