Ka përfunduar procesi i numërimit të votave preferenciale për qarkun e Tiranës, ku rezulton se ish ministrja Olta Xhaçka i ka marrë mandatin Blerina Gjylametit me një diferencë tepër të ngushtë prej 2 votash.
Por ky rezultat mund të ndryshojë, pasi ka ende vota nga diaspora për t’u numëruar.
Konkretisht, Olta Xhaçka ka marrë 5806 vota, ndërsa Blerina Gjylameti numëron 5804 vota.
Ndërkohë kandidati më i votuar në listën e hapur të Tiranës për Partinë Socialiste është Blendi Gonxhja, me 22398 vota, i ndjekur nga Erion Braçe me 21364 vota, më pas ministri i Brendshëm, Ervin Hoxha me 19113 vota.
Jashtë Parlamentit kanë mbetur edhe emra të njohur të PS, ata që konsiderohen edhe si “veteranët”. Pandeli Majko, Mimi Kodheli, Xhemal Qefalia nuk kanë mundur të futen në Parlament.
Jashtë kanë mbetur gjithashtu edhe Toni Gogu, Ermonela Felaj, Etilda Gjonaj, Klotilda Bushka apo edhe Plarent Ndreca.
Në zgjedhjet e 11 majit, Partia Socialiste dhe Edi Rama fituan mandatin e katërt, duke marrë 83 deputetë, PD 50 mandate, PSD 3, Mundësia e Agron Shehaj siguroi dy vende në Parlament, ndërsa Nisma Shqipëria Bëhet dhe Lëvizja Bashkë nga një deputet.
