Presidenti ukrainas, Volodymyr Zelensky ka mbërritur në Samitin e Komunitetit Politik Evropian që mbahet në Tiranë.
Pas Zelensky, në samit mbërriti edhe Presidenti i Francës, Emmanuel Macron.
Ai u prit me përqafime miqësore dhe shtrëngim duarsh nga kryeministri Edi Rama. Presidenti francez ishte lideri i fundit evropian që mbërriti në Samit.
Samiti i gjashtë i Komunitetit Politik Europian ka nisur sot punimet në Tiranë nën logon “New Europe in a new world”, duke shënuar takimin e tij për herë të parë në Ballkanin Perëndimor me pjesëmarrjen e liderëve, kryetarë shtetesh dhe qeverish nga 47 vende europiane, së bashku me drejtuesit e institucioneve kryesore evropiane dhe ndërkombëtare.
