Rikthehet dhuna në futbollin shqiptar. Një përplasje fizike masive u regjistrua sonte në finalen e Kupës së Shqipërisë, mes 19-vjeçarëve të Tiranës dhe bashkëmoshatarëve të Teutës, në duelin e zhvilluar në “Shtëpinë e Futbollit” prej orës 19:00.
Skuadra durrsake, arriti të triumfonte me rezultatin 1-2, teksa futbollistët e të dyja skuadrave nuk janë përmbajtur në fundin e sfidës, duke prodhuar skena të shëmtuara dhune.
Në videon e publikuar nga “Panorama Sport”, përveç futbollistëve, nga pamjet duket qartë që janë përfshirë edhe pjestarë të stafit si dhe tifozët.
Për sa i përket golave, te Teuta realizoi dopietë Devit Dermiçani në minutat 57 dhe 88, ndërkohë që golin e vetëm për Tiranën e shënoi Valentin Përgjoni në minutën 90+3.
