Përfundon numërimi për kandidatët në Vlorë/ Gjiknuri “tërmet” tek PS, ja kush i merr mandatet

Në Qarkun e Vlorës ka përfunduar numërimi i votave edhe sa i përket votave të kandidatëve në listat e hapura, teksa mbeten vetëm ato të diasporës, të cilat mund të bëjnë ndonjë surprizë tek listat e deputetëve që futen në Kuvend.

PS do të fut 5 deputetë nga lista e hapur e Vlorës, teksa kandidati më i votuar brenda vendit ka rezultuar Damian Gjiknuri me 10031 vota personale, teksa pas tij renditet deputeti aktual Vullnet Sinaj me 8757 vota.

Deputetë për herë të parë në Kuvend do të futen edhe Ardit Bido dhe Vasil Llajo, ku njëri ka marrë 7360 vota dhe tjetri 4894 vota personale. Gruaja më e votuar nga socialistët e Vlorës, e cila po ashtu do të futet në Kuvend rezulton Brunilda Mersini me 4892 vota personale.

Ina Majko, një kandidate e cila vjen nga komuniteti rom dhe Edi Rama ka thënë se do të jetë ministrja e parë në qeverinë e tij të re, rezulton më pak e votuara me vetëm 338 vota. Kujtojmë se në listën e mbyllur të PS-së në Vlorë janë Bledar Çuçi, Zamira Sinaj, Erjona Ismaili dhe Pirro Vengu.

Sa i përket Partisë Demokratike, në Vlorë nuk arrin dot të futë as listën e mbyllur, pasi arriti të marrë vetëm 3 mandate nga 4 kandidatë që ishin në listën e mbyllur. Deputetët e PD-së së Vlorës do të jenë Bujar Leskaj, Ina Zhupa dhe Vangjel Dule, teksa Atird Hoxha i renditur i katërti nuk do të futet.

Sa i përket listës së hapur të PD-së në Vlorë, edhe pse nuk ka shumë vlerë, më i votuari rezulton ish-kandidati për kryebashkiak të Himarës, Petraq Gjikuria me 3533 vota personale.

KANDIDATËT E PS NË QARKUN E VLORËS

KANDIDATËT E PD NË QARKUN E VLORËS