Teksa po numëroheshin votat e fundit, një episod komik është regjistruar në një qendër votimi në Qarkun e Elbasanit.
Në votues ka vendosur të tregojë preferencën e tij jo për një forcë politike, por për një tjetër “besim” – futbollin.
Në vend që të votonte për ndonjë parti apo koalicion, ai shkroi me dorë të sigurt në fletën e votimit: “Forca Real Madrit”, duke i dhënë mbështetjen e tij një prej skuadrave më të njohura të futbollit europian.
Komisionerët zgjedhorë u gjendën përballë një sfide të pazakontë. Vota nuk kishte numër subjekti, sigël apo program. Kishte vetëm pasion, histori, Champions League dhe ndoshta pak Vinicius Junior. Një komisioner, me një buzëqeshje të sforcuar, komentoi: “Po të kishte shkruar ‘Forca Partizani’, ndoshta do ta quanim si protestë kombëtare… por kjo është UEFA.”
Vota përfundoi si e pavlefshme, por siç u tha mes sportdashësve aty pranë – ajo ishte një votë zemre. Demokracia humbi një votë, por Real Madridi fitoi një tifoz më shumë.
