Papa i ri është amerikani Robert Francis Prevost, i cili ka zgjedhur emrin Leone XIV. Papa Leone XIV do të pasojë në krye të Kishës Katolike Papa Franceskun, i cili ndërroi jetë në muajin e kaluar.
Robert Francis Prevost do të jetë Papa i 267-të në krye të Kishës Katolike dhe papa i parë amerikan. Ndërkohë, vlen të theksohet edhe fakti se ka kaluar shumë kohë që kur Kisha Katolike ka pasur një papë me emrin që ka zgjedhur ai. Leoni i fundit, Leo XIII, u zgjodh në 1878 dhe shërbeu deri në vdekjen e tij në 1903.
Papa Leone XIV u zgjodh në konklavën e 133 kardinalëve në Vatikan, pasi dy votimet paraprake ishin të pasukesshme.
Pavarësisht kundërshtimit të hershëm të Vatikanit ndaj idesë së një Pape nga SHBA-ja për shkak të statusit të vendit si superfuqi dhe ndikimit laik global, Prevosti u zgjodh si Pasardhës i Papa Françeskut.
Robert Francis Prevost, 69 vjeç, ka lindur në Çikago të SHBA-ve. Ai emërua kardinal nga Françesku në vitin 2023 dhe ka qenë më parë udhëheqës i Urdhrit Augustinian. Papa e emëroi gjithashtu në Dikasterin për Peshkopët, që mbikëqyr përzgjedhjen e peshkopëve në të gjithë botën.
Roli i tij i lartë, i kombinuar me përvojën si misionar në Peru, ku ka shërbyer si ipeshkv në Chiclayo, mund të ndihmojë në zbutjen e kundërshtimeve ndaj një Pape amerikan.
